Total views : 168996
Total views : 168996ਭਾਰਤੀ ਨਾਗਰਿਕ ਸੁਰੱਖਸ਼ਾ ਸਾਹਿੰਤਾ-2023 ਦੀ ਧਾਰਾ 163 (BNSS)-
ਅੰਮ੍ਰਿਤਸਰ, 07 ਸਤੰਬਰ-(ਡਾ. ਮਨਜੀਤ ਸਿੰਘ)- ਸ੍ਰੀ ਹਰਮਨਬੀਰ ਸਿੰਘ ਗਿੱਲ, ਆਈ.ਪੀ.ਐਸ, ਕਮਿਸ਼ਨਰ ਪੁਲਿਸ, ਅੰਮ੍ਰਿਤਸਰ ਜੀ ਵੱਲੋਂ ਭਾਰਤੀ ਨਾਗਰਿਕ ਸੁਰੱਖਸ਼ਾ ਸਾਹਿੰਤਾ-2023 ਦੀ ਧਾਰਾ 163 (BNSS) ਅਧੀਨ ਪ੍ਰਾਪਤ ਅਧਿਕਾਰਾ ਦੀ ਵਰਤੋਂ ਕਰਦਿਆਂ ਹੋਇਆਂ ਕਮਿਸ਼ਨਰੇਟ ਪੁਲਿਸ, ਅੰਮ੍ਰਿਤਸਰ ਦੇ ਅਧੀਨ ਪੈਂਦੇ ਥਾਣਿਆਂ ਦੇ ਏਰੀਆਂ ਵਿੱਚ 8 ਵੱਖ-ਵੱਖ ਹੁਕਮ ਜਾਰੀ ਕੀਤੇ ਗਏ ਹਨ। ਜਿੰਨਾਂ ਦਾ ਵੇਰਵਾ ਹੇਠ ਲਿਖੇ ਅਨੁਸਾਰ ਹੈ:-
*1) *ਰੈਸਟੋਰੈਂਟ ਜਾਂ ਖਾਣ-ਪੀਣ ਵਾਲੀਆਂ ਥਾਵਾਂ ਜਾਂ ਕਲੱਬ* :- *
ਕਮਿਸ਼ਨਰੇਟ ਅੰਮ੍ਰਿਤਸਰ ਦੇ ਅਧਿਕਾਰ ਖੇਤਰ ਵਿੱਚ ਆਉਣ ਵਾਲੇ ਕਈ ਰੈਸਟੋਰੈਂਟ ਜਾਂ ਖਾਣ-ਪੀਣ ਵਾਲੀਆਂ ਥਾਵਾਂ ਜਾਂ ਕਲੱਬ ਰਾਤ ਨੂੰ ਦੇਰ ਰਾਤ ਤੱਕ ਖੁੱਲ੍ਹੇ ਰਹਿੰਦੇ ਹਨ, ਜਿਸ ਨਾਲ ਇਲਾਕੇ ਦੀ ਸ਼ਾਂਤੀ ਭੰਗ ਹੁੰਦੀ ਹੈ। ਨਤੀਜੇ ਵਜੋਂ, ਇਸ ਕਾਰਨ ਕੋਈ ਅਣਸੁਖਾਵੀਂ ਘਟਨਾ ਵਾਪਰਨ ਦੀ ਸੰਭਾਵਨਾ ਹਮੇਸ਼ਾ ਬਣੀ ਰਹਿੰਦੀ ਹੈ। ਇਹ ਵੀ ਦੇਖਿਆ ਗਿਆ ਹੈ ਕਿ ਸ਼ਹਿਰ ਵਿੱਚ ਵਾਹਨ ਬਹੁਤ ਉੱਚੀ ਆਵਾਜ਼ ਵਿੱਚ ਸੰਗੀਤ ਪ੍ਰਣਾਲੀ ਦੇ ਨਾਲ ਘੁੰਮ ਰਹੇ ਹਨ। ਇਸ ਤਰ੍ਹਾਂ, ਇਸ ਕਮਿਸ਼ਨਰੇਟ ਦੇ ਅਧਿਕਾਰ ਖੇਤਰ ਵਿੱਚ ਕਾਨੂੰਨ ਵਿਵਸਥਾ ਬਣਾਈ ਰੱਖਣ ਅਤੇ ਜਨਤਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ, ਰੈਸਟੋਰੈਂਟਾਂ ਜਾਂ ਖਾਣ-ਪੀਣ ਵਾਲੀਆਂ ਥਾਵਾਂ ਜਾਂ ਕਲੱਬਾਂ ਦੇ ਸਮੇਂ ਦੇ ਨਾਲ-ਨਾਲ ਇਨ੍ਹਾਂ ਥਾਵਾਂ ‘ਤੇ ਸਾਊਂਡ ਐਂਪਲੀਫਾਇਰ ਅਤੇ ਡੀ.ਜੇ. ਦੀ ਵਰਤੋਂ ਸੰਬੰਧੀ ਲੋੜੀਂਦੇ ਰੋਕ ਲਗਾਉਣ ਦੇ ਹੁਕਮ ਜਾਰੀ ਕਰਨਾ ਸਮੇਂ ਦੀ ਲੋੜ ਹੈ।
1. ਰਾਤ 11:30 ਵਜੇ ਤੋਂ ਬਾਅਦ, ਪੁਲਿਸ ਕਮਿਸ਼ਨਰੇਟ ਅੰਮ੍ਰਿਤਸਰ ਦੇ ਅਧਿਕਾਰ ਖੇਤਰ ਵਿੱਚ ਸਥਿਤ ਕਿਸੇ ਵੀ ਰੈਸਟੋਰੈਂਟ ਜਾਂ ਕਿਸੇ ਵੀ ਖਾਣ-ਪੀਣ ਵਾਲੀ ਥਾਂ ਜਾਂ ਕਲੱਬ ਵਿੱਚ ਭੋਜਨ, ਪੀਣ ਵਾਲੇ ਪਦਾਰਥਾਂ ਆਦਿ ਦਾ ਕੋਈ ਆਰਡਰ ਨਹੀਂ ਲਿਆ ਜਾਵੇ।
2. ਰਾਤ 11:30 ਵਜੇ ਤੋਂ ਬਾਅਦ ਕਿਸੇ ਵੀ ਨਵੇਂ ਗਾਹਕ ਨੂੰ ਰੈਸਟੋਰੈਂਟ ਜਾਂ ਖਾਣ-ਪੀਣ ਵਾਲੀ ਥਾਂ ਜਾਂ ਕਲੱਬ ਦੇ ਅਹਾਤੇ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਹੋਣੀ ਚਾਹੀਦੀ।
3. ਸਾਰੇ ਰੈਸਟੋਰੈਂਟ, ਕਲੱਬ ਜਾਂ ਕੋਈ ਹੋਰ ਅਜਿਹਾ ਲਾਇਸੰਸਸ਼ੁਦਾ ਖਾਣ-ਪੀਣ ਵਾਲਾ ਸਥਾਨ ਅੱਧੀ ਰਾਤ 12:00 ਵਜੇ ਤੱਕ ਪੂਰੀ ਤਰ੍ਹਾਂ ਬੰਦ ਕਰ ਦੇਣਾ ਚਾਹੀਦਾ ਹੈ।
4. ਸ਼ਰਾਬ ਦੇ ਠੇਕਿਆਂ ਨਾਲ ਜੁੜੇ ਅਹਾਤਾ,ਅੱਧੀ ਰਾਤ 12:00 ਵਜੇ ਜਾਂ ਲਾਇਸੈਂਸ ਦੀ ਸ਼ਰਤ (ਪੰਜਾਬ ਲੀਕਰ ਲਾਇਸੈਂਸ (ਪਹਿਲਾ ਸੋਧ) ਨਿਯਮ, 2024 ਦੇ ਨਿਯਮ ਨੰਬਰ 4) ਦੇ ਅਨੁਸਾਰ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੇ ਜਾਣਗੇ।
5. ਜਿਵੇਂ ਕਿ ਭਾਰਤ ਦੀ ਮਾਣਯੋਗ ਸੁਪਰੀਮ ਕੋਰਟ ਦੇ ਨਿਰਦੇਸ਼ਾਂ ਅਨੁਸਾਰ, ਕਿਸੇ ਵੀ ਸ਼ੋਰ ਸਰੋਤ ਦੁਆਰਾ ਪੈਦਾ ਕੀਤਾ ਗਿਆ ਸ਼ੋਰ ਖੇਤਰ ਲਈ ਵਾਤਾਵਰਣ ਸ਼ੋਰ ਮਾਪਦੰਡਾਂ ਤੋਂ 10 dB (A) (ਭਾਵ ਆਵਾਜ਼ ਦੇ ਪੱਧਰ ਨੂੰ ਮਾਪੋ) ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ ਜਾਂ 75 dB (A), ਜੋ ਵੀ ਘੱਟ ਹੋਵੇ। ਇਸ ਲਈ, ਸਾਰੀਆਂ ਸੰਸਥਾਵਾਂ ਨੂੰ ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਇਹਨਾਂ ਮਿਆਰਾਂ ਨੂੰ ਬਣਾਈ ਰੱਖਿਆ ਜਾਵੇ।
6. ਸਾਰੇ ਧੁਨੀ ਪੈਦਾ ਕਰਨ ਵਾਲੇ ਸਰੋਤ ਜਿਵੇਂ ਕਿ ਡੀ.ਜੇ., ਲਾਈਵ ਆਰਕੈਸਟਰਾ/ਗਾਇਕ ਆਦਿ ਨੂੰ ਰਾਤ 10:00 ਵਜੇ ਬੰਦ ਕਰ ਦੇਣਾ ਚਾਹੀਦਾ ਹੈ ਜਾਂ ਆਵਾਜ਼ ਘਟਾਉਣੀ ਚਾਹੀਦੀ ਹੈ। ਰਾਤ 10:00 ਵਜੇ ਤੋਂ ਬਾਅਦ, ਕਿਸੇ ਵੀ ਸਥਾਪਨਾ ਜਾਂ ਕੈਂਪਸ ਦੇ ਅੰਦਰ ਪੈਦਾ ਹੋਣ ਵਾਲੀ ਕੋਈ ਵੀ ਆਵਾਜ਼ ਅਜਿਹੀ ਸਥਾਪਨਾ ਦੀ ਸੀਮਾ ਤੋਂ ਬਾਹਰ ਨਹੀਂ ਸੁਣਾਈ ਦੇਣੀ ਚਾਹੀਦੀ।
7. ਸੰਗੀਤ ਪ੍ਰਣਾਲੀ ਵਾਲੇ ਵਾਹਨਾਂ ਦੇ ਮਾਮਲੇ ਵਿੱਚ, ਇਹ ਯਕੀਨੀ ਬਣਾਇਆ ਜਾਣਾ ਚਾਹੀਦਾ ਹੈ ਕਿ ਸੰਗੀਤ ਪ੍ਰਣਾਲੀ ਦੁਆਰਾ ਪੈਦਾ ਕੀਤੀ ਗਈ ਆਵਾਜ਼ ਵਾਹਨ ਦੇ ਬਾਹਰ ਨਾ ਸੁਣਾਈ ਦੇਵੇ।
2) ਸੜਕਾ/ਫੁੱਟਪਾਥਾਂ ਅਣਅਧਿਕਾਰਤ ਕਬਜ਼ਿਆ ਬਾਰੇ:-
ਕਮਿਸ਼ਨਰੇਟ ਅੰਮ੍ਰਿਤਸਰ ਦੇ ਇਲਾਕੇ ਵਿੱਚ ਸੜਕਾਂ ਅਤੇ ਬਜਾਰਾਂ ਦੇ ਨਾਲ-ਨਾਲ ਫੁੱਟਪਾਥਾਂ ਤੇ ਬਹੁਤ ਸਾਰੇ ਅਣ-ਅਧਿਕਾਰਤ ਕਬਜੇ ਹਨ, ਜਿਹਨਾਂ ਵਿੱਚ ਪ੍ਰਮੁੱਖ ਤੋਰ ਤੇ:-
1. ਅਣ-ਅਧਿਕਾਰਤ ਬੋਰਡ/ ਸੰਕੇਤ (Signage’s) ਲੱਗਣੇ, 2. ਫੁੱਟਪਾਥਾਂ ਤੇ ਰੇਹੜੀਆਂ-ਫੜੀਆਂ ਅਤੇ ਖੋਖੇ ਲੱਗਣਾ, 3. ਦੁਕਾਨਦਾਰਾ ਵੱਲੋ ਦੁਕਾਨਾ ਤੋ ਅੱਗੇ ਵਧਾ ਕੇ ਫੁੱਟਪਾਥ ਤੇ ਸਮਾਨ ਰੱਖਣਾ ਅਤੇ 4.ਵਹੀਕਲ ਪਾਰਕਿੰਗ ਆਦਿ ਹਨ।
ਉਪਰੋਕਤ ਕਾਰਨਾਂ ਕਰਕੇ ਪੈਦਲ ਚੱਲਣ ਵਾਲੇ ਵਿਅਕਤੀਆਂ ਨੂੰ ਬਹੁਤ ਮੁਸ਼ਕਿਲ ਪੇਸ਼ ਆਉਂਦੀ ਹੈ ਅਤੇ ਨਾਲ ਹੀ ਟ੍ਰੈਫਿਕ ਵਿੱਚ ਵੀ ਵਿਘਨ ਪੈਂਦਾ ਹੈ ਅਤੇ ਕਾਨੂੰਨ ਵਿਵਸਥਾ ਤੇ ਵੀ ਢਾਅ ਲੱਗਦੀ ਹੈ। ਇਸ ਤੋਂ ਇਲਾਵਾ ਅਜਿਹਾ ਹੋਣ ਨਾਲ ਬਜਾਰਾਂ, ਸੜਕਾਂ ਅਤੇ ਫੁਟਪਾਥਾਂ ਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਜਾਂਦੀ ਹੈ। ਇਸ ਲਈ ਇਸ ਨੂੰ ਮੱਦੇਨਜਰ ਰੱਖਦੇ ਹੋਏ।
1. ਸ਼ਹਿਰ ਵਿਚ ਸੜਕਾਂ ਤੇ ਜਾਮ ਲੱਗਣ ਤੋਂ ਰੋਕਣ ਲਈ, 2. ਪੈਦਲ ਚੱਲਣ ਵਾਲਿਆ ਨੂੰ ਐਕਸੀਡੈਂਟ ਦਾ ਸਿਕਾਰ ਹੋਣ ਤੋ ਬਚਾਉਣ ਲਈ, 3. ਹੋਰ ਛੋਟੇ ਜੁਰਮਾਂ (Petty Crimes) ਦੀ ਰੋਕਥਾਮ ਲਈ
ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਸੜਕਾਂ ਦੇ ਨਾਲ -ਨਾਲ ਫੁੱਟਪਾਥ ਤੇ ਅਣ-ਅਧਿਕਾਰਤ ਬੋਰਡ ਲਗਾਉਣ, ਦੁਕਾਨਦਾਰਾਂ ਵੱਲੋ ਦੁਕਾਨ ਦੀ ਹੱਦ ਤੋ ਬਾਹਰ ਸੜਕਾ ਤੇ ਸਮਾਨ ਰੱਖ ਕੇ ਵੇਚਣ ਅਤੇ ਫੁੱਟਪਾਥਾਂ ਤੇ ਸਮਾਨ ਰੱਖ ਕੇ ਵੇਚਣ ਤੇ ਪਾਬੰਧੀ ਹੈ।
3) ਪਟਾਕਿਆ ਦੇ ਭੰਡਾਰਨ, ਵਿਕਰੀ ਅਤੇ ਖਰੀਦ ਬਾਰੇ:-
ਭਾਰਤ ਦੀ ਮਾਣਯੋਗ ਸੁਪਰੀਮ ਕੋਰਟ ਨੇ 23.10.2018 ਅਤੇ 31.10.2018 ਦੇ ਹੁਕਮਾਂ ਰਾਹੀਂ 2015 ਦੀ ਰਿਟ ਪਟੀਸ਼ਨ (ਸਿਵਲ) ਨੰ. 728 ਵਿੱਚ ਵਿਸਥਾਰਤ ਨਿਰਦੇਸ਼ ਜਾਰੀ ਕੀਤੇ ਹਨ। ਇਸ ਦੇ ਮੱਦੇਨਜ਼ਰ, ਜਨਤਕ ਹਿੱਤ ਵਿੱਚ ਪੁਲਿਸ ਕਮਿਸ਼ਨਰੇਟ, ਅੰਮ੍ਰਿਤਸਰ ਵਿੱਚ ਪਟਾਕਿਆਂ ਦੇ ਭੰਡਾਰਨ, ਵਿਕਰੀ ਅਤੇ ਖਰੀਦ ਨੂੰ ਨਿਯਮਤ ਅਤੇ ਸੀਮਤ ਕਰਨ ਲਈ ਮਨਾਹੀ ਦੇ ਹੁਕਮ ਜਾਰੀ ਕਰਨਾ ਜ਼ਰੂਰੀ ਸਮਝਿਆ ਜਾਂਦਾ ਹੈ।
1. ਵਿਸਫੋਟਕ ਨਿਯਮ 2008 ਦੇ ਨਿਯਮ 88 ਨੂੰ ਇੱਥੇ “ਕੋਈ ਵੀ ਵਿਅਕਤੀ ਇਨ੍ਹਾਂ ਨਿਯਮਾਂ ਅਧੀਨ ਲਾਇਸੰਸਸ਼ੁਦਾ ਅਹਾਤਿਆਂ ਤੋਂ ਇਲਾਵਾ ਕਿਸੇ ਵੀ ਹੋਰ ਅਹਾਤੇ ਤੋਂ ਪਟਾਕੇ ਨਹੀਂ ਵੇਚੇਗਾ” ਦੇ ਰੂਪ ਵਿੱਚ ਦੁਬਾਰਾ ਪੇਸ਼ ਕੀਤਾ ਗਿਆ ਹੈ। ਇਸ ਲਈ ਕਮਿਸ਼ਨਰੇਟ ਅੰਮ੍ਰਿਤਸਰ ਦੇ ਕਿਸੇ ਵੀ ਖੇਤਰ ਵਿੱਚ ਜਾਇਜ਼ ਲਾਇਸੰਸਸ਼ੁਦਾ ਦੁਕਾਨਾਂ ਨੂੰ ਛੱਡ ਕੇ ਪਟਾਕਿਆਂ ਦੀ ਵਿਕਰੀ ਦੀ ਇਜਾਜ਼ਤ ਨਹੀਂ ਹੋਵੇਗੀ।
2. ਸਾਈਲੈਂਸ ਜ਼ੋਨ (ਜਿਵੇਂ ਕਿ ਹਸਪਤਾਲ, ਵਿਦਿਅਕ ਸੰਸਥਾਵਾਂ ਆਦਿ ਦੇ ਨੇੜੇ) ਅਤੇ ਕਿਸੇ ਵੀ IOC, BPCL ਅਤੇ HPCL ਤੇਲ ਟਰਮੀਨਲਾਂ ਦੀ ਸੀਮਾ ਅਤੇ ਪੰਜ ਸੌ ਗਜ਼ ਦੇ ਖੇਤਰ ਵਿੱਚ ਕਿਸੇ ਵੀ ਸਮੇਂ ਪਟਾਕੇ ਨਹੀਂ ਚਲਾਏ ਜਾਣਗੇ।
3. ਖਿਡੌਣਿਆਂ/ਇਲੈਕਟ੍ਰਾਨਿਕ ਸਮਾਨ ਦੇ ਰੂਪ ਵਿੱਚ ਆਯਾਤ ਕੀਤੇ ਪਟਾਕਿਆਂ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੋਵੇਗੀ।
4. ਲਾਇਸੰਸਧਾਰਕ ਨੂੰ ਦੁਕਾਨ ਤੋਂ ਰੱਖਣ ਅਤੇ ਵਿਕਰੀ ਲਈ ਇੱਕ ਲਾਇਸੰਸਸ਼ੁਦਾ ਫੈਕਟਰੀ ਜਾਂ ਕੰਪਨੀ ਤੋਂ ਅਧਿਕਾਰਤ ਪਟਾਕੇ ਖਰੀਦਣ ਦੀ ਇਜਾਜ਼ਤ ਹੈ ਜੋ ਅਧਿਕਾਰਤ ਵਿਸਫੋਟਕਾਂ ਦੀ ਸੂਚੀ ਵਿੱਚ ਦੱਸੇ ਗਏ ਅਧਿਕਾਰਤ ਪਟਾਕੇ ਹਨ। ਘਰੇਲੂ ਉਦਯੋਗ ਨੂੰ ਨੁਕਸਾਨ ਪਹੁੰਚਾਉਣ ਤੋਂ ਇਲਾਵਾ, ਵਿਦੇਸ਼ੀ ਮੂਲ ਦੇ ਪਟਾਕੇ ਕੁਦਰਤ ਵਿੱਚ ਖ਼ਤਰਨਾਕ ਹਨ ਅਤੇ ਜਨਤਕ ਸੁਰੱਖਿਆ ਅਤੇ ਸਿਹਤ ਨੂੰ ਖਤਰੇ ਵਿੱਚ ਪਾਉਂਦੇ ਹਨ। (ਚੀਨ ਤੋਂ ਗੁਪਤ ਰੂਪ ਵਿੱਚ ਆਯਾਤ ਕੀਤੇ ਗਏ ਵਿਦੇਸ਼ੀ, ਮੂਲ ਦੇ ਪਟਾਕਿਆਂ/ਤਸਕਰੀ ਦੇ ਵਿਰੁੱਧ ਕਾਰਵਾਈ)
5. ਲਾਇਸੈਂਸ ਧਾਰਕ ਘੱਟ ਨਿਕਾਸ ਵਾਲੇ ਪਟਾਕੇ (ਸੁਧਾਰੇ ਹੋਏ ਪਟਾਕੇ) ਅਤੇ ਹਰੇ ਪਟਾਕੇ ਵੇਚੇਗਾ, ਜਿਵੇਂ ਕਿ 2015 ਦੇ ਰਿਟ ਪਟੀਸ਼ਨ (ਸਿਵਲ) ਨੰ. 728 ਵਿੱਚ 23.10.2018 ਦੇ ਆਦੇਸ਼ ਦੁਆਰਾ ਸੁਝਾਅ ਨੰਬਰ II ਅਤੇ III ਵਿੱਚ ਦਰਸਾਇਆ ਗਿਆ ਹੈ, ਸਿਰਫ ਨਿਰਮਾਣ ਅਤੇ ਵੇਚਣ ਦੀ ਆਗਿਆ ਹੋਵੇਗੀ। ਨਤੀਜੇ ਵਜੋਂ, ਸੁਝਾਅ ਨੰਬਰ II ਅਤੇ III ਵਿੱਚ ਦੱਸੇ ਗਏ ਪਟਾਕਿਆਂ ਤੋਂ ਇਲਾਵਾ ਹੋਰ ਪਟਾਕਿਆਂ ਦੇ ਉਤਪਾਦਨ ਅਤੇ ਵਿਕਰੀ ‘ਤੇ ਪਾਬੰਦੀ ਲਗਾਈ ਗਈ ਹੈ। ਜੁੜੇ ਪਟਾਕਿਆਂ (ਸੀਰੀਜ਼ ਪਟਾਕੇ ਜਾਂ ਲਾਰੀ) ਦੇ ਨਿਰਮਾਣ, ਵਿਕਰੀ ਅਤੇ ਵਰਤੋਂ ‘ਤੇ ਇਸ ਦੁਆਰਾ ਪਾਬੰਦੀ ਲਗਾਈ ਗਈ ਹੈ ਕਿਉਂਕਿ ਇਹ ਵੱਡੀ ਹਵਾ, ਸ਼ੋਰ ਅਤੇ ਠੋਸ ਰਹਿੰਦ-ਖੂੰਹਦ ਦੀਆਂ ਸਮੱਸਿਆਵਾਂ ਦਾ ਕਾਰਨ ਬਣਦੇ ਹਨ।
6. ਲਾਇਸੈਂਸਧਾਰਕ ਵਿਦੇਸ਼ੀ ਮੂਲ ਦੇ ਪਟਾਕੇ ਪ੍ਰਦਰਸ਼ਿਤ ਨਹੀਂ ਕਰੇਗਾ, ਆਪਣੇ ਕੋਲ ਨਹੀਂ ਰੱਖੇਗਾ ਅਤੇ ਲਾਇਸੈਂਸਧਾਰਕ ਜਨਤਕ ਪ੍ਰਦਰਸ਼ਨ ਲਈ ਵਿਦੇਸ਼ੀ ਮੂਲ ਦੇ ਪਟਾਕੇ ਪ੍ਰਦਰਸ਼ਿਤ ਨਹੀਂ ਕਰੇਗਾ, ਆਪਣੇ ਕੋਲ ਨਹੀਂ ਰੱਖੇਗਾ ਅਤੇ ਵਰਤੋਂ ਨਹੀਂ ਕਰੇਗਾ।
7. ਦੀਵਾਲੀ ਦੇ ਦਿਨਾਂ ਵਿੱਚ ਜਦੋਂ ਅਜਿਹੇ ਪਟਾਕੇ ਆਮ ਤੌਰ ‘ਤੇ ਹੁੰਦੇ ਹਨ, ਇਹ ਸਖਤੀ ਨਾਲ ਰਾਤ 8:00 ਵਜੇ ਤੋਂ ਹੋਵੇਗਾ। ਸਿਰਫ਼ ਰਾਤ 10:00 ਵਜੇ ਤੱਕ। ਕ੍ਰਿਸਮਸ ਦੀ ਸ਼ਾਮ ਅਤੇ ਨਵੇਂ ਸਾਲ ਦੀ ਸ਼ਾਮ ਨੂੰ, ਜਦੋਂ ਅਜਿਹੇ ਪਟਾਕੇ ਅੱਧੀ ਰਾਤ ਦੇ ਆਸਪਾਸ, ਯਾਨੀ 12:00 ਵਜੇ ਸ਼ੁਰੂ ਹੁੰਦੇ ਹਨ, ਤਾਂ ਇਹ ਸਿਰਫ਼ 11:55 ਵਜੇ ਤੋਂ 12:30 ਵਜੇ ਤੱਕ ਹੀ ਹੋਣਗੇ। ਗੁਰਪੁਰਬ ਦੇ ਮੌਕੇ ‘ਤੇ, ਸਵੇਰੇ ਇੱਕ ਘੰਟੇ ਲਈ ਯਾਨੀ 4:00 ਵਜੇ ਤੋਂ 5:00 ਵਜੇ ਤੱਕ ਅਤੇ ਸ਼ਾਮ ਵਿੱਚ ਇੱਕ ਘੰਟੇ ਲਈ ਯਾਨੀ 9:00 ਵਜੇ ਤੋਂ 10:00 ਵਜੇ ਤੱਕ ਆਤਿਸ਼ਬਾਜ਼ੀ ਚਲਾਉਣ ਦੀ ਇਜਾਜ਼ਤ ਹੋਵੇਗੀ। ਕਮਿਸ਼ਨਰੇਟ ਅੰਮ੍ਰਿਤਸਰ ਦੇ ਖੇਤਰ ਵਿੱਚ ਕਿਸੇ ਵੀ ਜਗ੍ਹਾ (ਵੈਧ ਲਾਇਸੰਸਸ਼ੁਦਾ ਜਗ੍ਹਾ ਨੂੰ ਛੱਡ ਕੇ) ਪਟਾਕਿਆਂ ਦੇ ਭੰਡਾਰਨ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੋਵੇਗੀ।
4) *ਮੋਬਾਇਲ ਫੋਨ ਵਿਕਰੇਤਾ ਬਾਰੇ* :-
ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਸਥਿਤ ਮੋਬਾਇਲ ਫੋਨ ਵਿਕਰੇਤਾ ਕਿਸੇ ਵਿਅਕਤੀ ਨੂੰ ਮੋਬਾਇਲ ਫੋਨ ਵੇਚਦੇ ਸਮੇਂ ਉਸ ਕੋਲੋ ਪਹਿਚਾਣ-ਪੱਤਰ/ ਆਈ.ਡੀ ਪਰੂਫ ਨਹੀ ਲੈਂਦੇ ਅਤੇ ਨਾਂ ਹੀ ਉਸ ਉਪਰ ਖਰੀਦਦਾਰ ਪਾਸੋ ਤਸਦੀਕ (Self Attested ) ਕਰਵਾਉਦੇ ਹਨ ਅਤੇ ਨਾ ਹੀ ਆਪ ਤਸਦੀਕ ਕਰਦੇ ਹਨ ਕਿ ਪਹਿਚਾਣਪੱਤਰ/ਆਈ.ਡੀ ਪਰੂਫ ਅਸਲੀ ਹੈ ਜਾ ਜਾਅਲੀ, ਜਿਸ ਨਾਲ ਕਰਿਮੀਨਲ ਵਿਅਕਤੀ ਵੱਲੋ ਮੋਬਾਇਲ ਫੋਨ ਅਤੇ ਸਿਮ ਖਰੀਦ ਕਰਕੇ ਜਾਅਲੀ ਸਿਮ ਰੈਕੇਟ ਚਲਾ ਕੇ ਦੇਸ ਦੇ ਹਿੱਤਾ ਨੂੰ ਨੁਕਸਾਨ ਪੁਚਾਇਆ ਜਾ ਰਿਹਾ ਹੈ, ਜਿਸ ਨਾਲ ਸਾਈਬਰ ਕ੍ਰਾਈਮ ਵਿੱਚ ਵਾਧਾ ਹੋ ਰਿਹਾ ਹੈ। ਮੋਬਾਇਲ ਫੋਨ ਵੇਚਣ ਵਾਲੇ ਗ੍ਰਾਹਕ ਨੂੰ ਵੀ ਦੁਕਾਨਦਾਰਾਂ ਵੱਲੋ ਪ੍ਰਚੇਜ ਸਟਰੀਫਿਕੇਟ ਨਹੀ ਦਿੱਤਾ ਜਾਂਦਾ ਹੈ। ਇਸ ਲਈ ਸਮਾਜ ਵਿਰੋਧੀ/ਦੇਸ ਵਿਰੋਧੀ ਗਤੀਵਿਧੀਆਂ ਵਿੱਚ ਜੁਰਮ ਦੀ ਰੋਕਥਾਮ ਲਈ ਮੋਬਾਈਲ ਫੋਨ ਅਤੇ ਸ਼ਿਮ ਨੂੰ ਵੇਚਣ ਸਬੰਧੀ ਭਾਰਤੀ ਨਾਗਰਿਕ ਸੁਰੱਖਿਆਂ ਸਹਿੰਤਾ, 2023 ਦੀ ਧਾਰਾ 163 ਅਧੀਨ ਹੁਕਮ ਜਾਰੀ ਕਰਨਾ ਬਹੁਤ ਜਰੂਰੀ ਹੈ।
ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਸਾਈਬਰ ਕ੍ਰਾਈਮ ਨੂੰ ਰੋਕਣ ਲਈ, ਲੋਕ ਹਿੱਤ ਨੂੰ ਮੁੱਖ ਰੱਖਦੇ ਹੋਏ, ਅਮਨ ਅਤੇ ਕਾਨੂੰਨ ਦੀ ਸਥਿਤੀ ਨੂੰ ਬਹਾਲ ਰੱਖਣ ਲਈ ਇਹ ਹੁਕਮ ਜਾਰੀ ਕਰਦਾ ਹਾਂ ਕਿ ਪੁਲਿਸ ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਆਉਂਦੇ ਸਾਰੇ ਮੋਬਾਇਲ ਫੋਨ ਅਤੇ ਸਿਮ ਵਿਕਰੇਤਾ ਮੋਬਾਇਲ ਫੋਨ ਅਤੇ ਸਿਮ ਵੇਚਦੇ ਸਮੇਂ ਖਰੀਦਦਾਰ ਪਾਸੋ ਪਹਿਚਾਣ ਪੱਤਰ/ ਆਈ.ਡੀ ਪਰੂਫ/ ਫੋਟੋ ਹਾਸਲ ਕੀਤੇ ਬਿਨਾਂ ਮੋਬਾਇਲ ਫੋਨ ਅਤੇ ਸਿਮ ਨਹੀਂ ਵੇਚਣਗੇ ਅਤੇ ਮੋਬਾਇਲ ਫੋਨ ਨੂੰ ਗਾਹਕ / ਵਿਕਰੇਤਾ ਪਾਸੋ ਖਰੀਦ ਕਰਨ ਸਮੇ ਗ੍ਰਾਹਕ/ ਵਿਕਰੇਤਾ ਨੂੰ ਆਪਣੀ ਫਰਮ ਦੀ ਮੋਹਰ ਅਤੇ ਦਸਤਖਤਾਂ ਹੇਠ ਪ੍ਰਚੇਜ ਸਰਟੀਫਿਕੇਟ ਦੇਣਗੇ। ਇਸ ਤੋਂ ਇਲਾਵਾ ਫੋਨ ਖ੍ਰੀਦਣ ਸਮੇਂ ਖਰੀਦਦਾਰ ਜਾ ਕੋਈ ਉਸਦਾ ਰਿਸਤੇਦਾਰ/ ਜਾਣਕਾਰ ਵਿਅਕਤੀ, ਜਿਸ ਦੇ ਅਕਾਂਉਟ ਵਿੱਚੋ UPI Payments ਜਾਂ ਕਾਰਡ ਦੁਆਰਾ ਜਾ ਆਨ ਲਾਈਨ ਅਦਾਇਗੀ (Online Payment) ਕੀਤੀ ਜਾਂਦੀ ਹੈ ਤਾਂ ਉਸ ਵਿਅਕਤੀ ਦਾ ਆਈ.ਡੀ ਪ੍ਰਰੂਫ ਵੀ ਦੁਕਾਨਦਾਰ ਹਾਸਲ ਕਰਨ ਦੇ ਜਿੰਮੇਵਾਰ ਹੋਣਗੇ ਅਤੇ ਹੇਠ ਲਿਖੇ ਪ੍ਰੋਫਾਰਮੇ ਅਨੁਸਾਰ ਰਿਕਾਰਡ ਰਜਿਸਟਰ ਮੇਨਟੇਨ ਕਰਨਗੇ। (ਲੜੀ ਨੰਬਰ, ਗਾਹਕ ਦਾ ਨਾਮ ਅਤੇ ਜਨਮ ਮਿਤੀ, ਪਿਤਾ ਦਾ ਨਾਮ, ਘਰ ਦਾ ਪਤਾ, ਜਿਸਨੂੰ ਫੋਨ ਜਾ ਸਿਮ ਵੇਚਿਆ ਹੈ ਜਾਂ ਜਿਸ ਪਾਸੋ ਫੋਨ ਖਰੀਦਿਆਂ ਹੈ, ਉਸਦਾ ਆਈ.ਡੀ ਪਰੂਫ, ਮੋਬਾਇਲ ਅਤੇ ਸਿਮ ਖਰੀਦਣ ਵਾਲੇ ਵਿਅਕਤੀ ਦੇ ਅੰਗੂਠੇ ਦਾ ਨਿਸ਼ਾਨ ਅਤੇ ਦਸਤਖ਼ਤ, ਮੋਬਾਇਲ ਫੋਨ ਵੇਚਣ/ਖਰੀਦਣ ਦੀ ਮਿਤੀ ਅਤੇ ਸਮਾਂ, ਜਿਸ ਵਿਅਕਤੀ ਦੇ ਅਕਾਊਂਟ ਵਿੱਚ ਪੈਮੇਂਟ ਹੋਈ ਹੈ, ਉਸ ਵਿਅਕਤੀ ਦਾ ਆਈ.ਡੀ ਪਰੂਫ, ਗ੍ਰਾਹਕ ਦੀ ਫੋਟੋ)
5) *ਪ੍ਰਦੂਸ਼ਣ ਬਾਰੇ* :-
ਪੰਜਾਬ ਪ੍ਰਦੂਸਣ ਕੰਟਰੋਲ ਬੋਰਡ, ਵਾਤਾਵਰਣ ਭਵਨ, ਨਾਭਾ ਰੋਡ ਪਟਿਆਲਾ ਜੀ ਦੇ ਦਫਤਰ ਦੇ ਪੱਤਰ ਨੰਬਰ 32489-532, ਮਿਤੀ 08.08.2017 ਰਾਂਹੀ ਨੋਟੀਫਿਕੇਸ਼ਨ ਬੋਰਡ 6(2) ਨਾਲ ਸੂਚਿਤ ਕੀਤਾ ਗਿਆ ਹੈ ਕਿ ਸਮੂਹ ਪਟਾਖਿਆਂ ਦੇ ਨਿਰਮਾਣਕਾਂ/ਡੀਲਰਾਂ ਦੁਆਰਾ ਪਟਾਖਿਆਂ ਦੇ ਪੈਕਟਾਂ ਉੱਪਰ ਆਵਾਜ ਦਾ ਲੈਬਲ (ਡੈਸੀਬਲ ਵਿੱਚ) ਪ੍ਰਿੰਟ ਕੀਤਾ ਜਾਣਾ ਚਾਹੀਦਾ ਹੈ। ਨਿਯਮਾ ਅਨੁਸਾਰ ਪਟਾਖਿਆਂ ਦੀ ਆਵਾਜ ਦਾ ਲੈਬਲ, ਪਟਾਖਾ ਵਿਸਫੋਟ ਹੋਣ ਵਾਲੀ ਜਗ੍ਹਾ ਤੋਂ 04 ਮੀਟਰ ਦੀ ਦੂਰੀ ਵਿੱਚ 125 dh(AI) ਜਾ 145db(AI) ਤੋਂ ਵੱਧ ਹੋਣਾ ਵਰਜਿਤ ਹੈ। ਇਸ ਨਾਲ ਆਮ ਜਨ-ਜੀਵਨ ਦੀ ਸਿਹਤ ਤੇ ਬੁਰਾ ਪ੍ਰਭਾਵ ਪੈਂਦਾ ਹੈ। ਵਿਆਹਾਂ ਦੇ ਮੌਕੇ ਅਤੇ ਤਿਉਹਾਰਾਂ ਦੇ ਮੋਕੇ ਤੇ ਆਤਿਸ਼ਬਾਜੀ/ ਪਟਾਕਿਆਂ ਦੀ ਵਰਤੋ ਕਰਨ ਨਾਲ ਜਨਤਕ ਸਾਂਤੀ ਭੰਗ ਹੋਣ ਅਤੇ ਦੁਘਟਨਾਵਾਂ ਹੋਣ ਦੀ ਸੰਭਾਵਨਾ ਵੀ ਵੱਧ ਜਾਂਦੀ ਹੈ ਅਤੇ ਇਸ ਨਾਲ ਸਰਕਾਰੀ ਅਤੇ ਗੈਰ ਸਰਕਾਰੀ ਜਾਇਦਾਦ ਦੇ ਨੁਕਸਾਨ ਹੋਣ ਦਾ ਅੰਦੇਸਾ ਵੀ ਵੱਧ ਜਾਂਦਾ ਹੈ। ਇਸ ਲਈ ਇਸ ਤੋਂ ਪਾਬੰਧੀ ਲਗਾਉਣੀ ਅਤਿ ਜਰੂਰੀ ਹੈ।
ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਅਮਨ ਅਤੇ ਕਾਨੂੰਨ ਦੀ ਵਿਵਸਥਾਂ ਨੂੰ ਬਰਕਰਾਰ ਰੱਖਣ ਅਤੇ ਆਮ ਜਨਤਾ ਦੀ ਜਾਨ-ਮਾਲ ਦੀ ਰਾਖੀ ਨੂੰ ਯਕੀਨੀ ਬਣਾਉਣ ਲਈ ਸਮੂਹ ਪਟਾਕਿਆ ਦੇ ਨਿਰਮਾਣਕਾਂ/ਡੀਲਰਾਂ ਨੂੰ ਹੁਕਮ ਜਾਰੀ ਕਰਦਾ ਹਾਂ ਕਿ ਪਟਾਕਿਆ ਦੇ ਪੈਕਟਾਂ ਉੱਪਰ ਆਵਾਜ ਦਾ ਲੈਬਲ (ਡੈਸੀਬਲ ਵਿੱਚ) ਪ੍ਰਿੰਟ ਹੋਣਾ ਚਾਹੀਦਾ ਹੈ।
6) *ਗੱਡੀ ਵਿੱਚ ਕਿਸੇ ਕਿਸਮ ਦਾ ਹਥਿਆਰ ਜਿਵੇ ਕਿ ਬੇਸਬਾਲ, ਤੇਜਧਾਰ ਹਥਿਆਰ, ਨੋਕਿਲਾ ਹਥਿਆਰ ਜਾ ਕੋਈ ਵੀ ਜਾਨਲੇਵਾ ਹੱਥਿਆਰ, ਗੱਡੀ ਵਿੱਚ ਰੱਖ ਕੇ ਚੱਲਣ ਤੇ ਪਾਬੰਧੀ ਬਾਰੇ* :-
ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਅਮਨ ਅਤੇ ਕਾਨੂੰਨ ਕਾਇਮ ਰੱਖਣ ਲਈ ਲੋਕਾ ਵਿੱਚ ਅਮਨ ਅਤੇ ਸ਼ਾਤੀ ਵਿੱਚ ਖਲਲ ਪੈਦਾ ਹੋਣ ਤੇ ਸੁਰੱਖਿਆਂ ਲਈ ਜਰੂਰੀ ਹੈ ਕਿ ਕਿਸੇ ਕਿਸਮ ਦਾ ਹਥਿਆਰ ਜਿਵੇ ਕਿ ਬੇਸਬਾਲ, ਤੇਜਧਾਰ ਹਥਿਆਰ, ਨੋਕਿਲਾ ਹਥਿਆਰ ਜਾ ਕੋਈ ਵੀ ਜਾਨਲੇਵਾ ਹੱਥਿਆਰ, ਗੱਡੀ ਵਿੱਚ ਰੱਖ ਕੇ ਚੱਲਣ ਤੇ ਪਾਬੰਧੀ ਲਗਾਈ ਜਾਣੀ ਅਤਿ ਜਰੂਰੀ ਹੈ।
ਭਾਰਤੀ ਨਾਗਰਿਕ ਸੁਰੱਖਤਾ ਸਹਿੰਤਾ 2023 ਦੀ ਧਾਰਾ 163 ਬੀ.ਐਨ.ਐਸ.ਐਸ ਅਧੀਨ ਪ੍ਰਾਪਤ ਅਧਿਕਾਰਾ ਦੀ ਵਰਤੋਂ ਕਰਦਿਆਂ ਹੋਇਆ ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਕਿਸੇ ਕਿਸਮ ਦਾ ਹਥਿਆਰ ਜਿਵੇਂ ਕਿ ਬੇਸਬਾਲ, ਤੇਜਧਾਰ ਹਥਿਆਰ, ਨੋਕਿਲਾ ਹਥਿਆਰ ਜਾ ਕੋਈ ਵੀ ਜਾਨਲੇਵਾ ਹੱਥਿਆਰ, ਗੱਡੀ ਵਿੱਚ ਰੱਖ ਕੇ ਚੱਲਣ ਤੇ ਪਾਬੰਧੀ ਲਗਾਉਂਦਾ ਹਾਂ।
7) *ਦੁਕਾਨਦਾਰ ਤੇ ਦਰਜ਼ੀ ਜੋ ਪੁਲਿਸ/ਅਰਧ ਸੈਨਿਕ ਬੱਲ/ ਸੈਨਿਕਾਂ ਦੀਆਂ ਵਰਦੀਆਂ ਬਣਾ ਕੇ ਵੇਚਦੇ ਹਨ, ਬਾਰੇ* :-
ਮੇਰੇ ਵੇਖਣ ਵਿੱਚ ਆਇਆ ਹੈ ਕਿ ਕਮਿਸ਼ਨਰੇਟ ਅੰਮ੍ਰਿਤਸਰ ਵਿੱਚ ਕੁਝ ਦੁਕਾਨਦਾਰ ਅਤੇ ਦਰਜੀ ਜੋ ਪੁਲਿਸ/ ਅਰਧ ਸੈਨਿਕ ਬੱਲ/ ਸੈਨਿਕਾਂ ਦੀਆਂ ਵਰਦੀਆਂ ਬਣਾ ਕੇ ਵੇਚਦੇ ਹਨ ਜਾ ਸਿਲਾਈ ਕਰਦੇ ਹਨ, ਉਹ ਗ੍ਰਾਹਕ ਦੀ ਦਰੁੱਸਤ ਸ਼ਨਾਖਤ ਤੋ ਬਿਨ੍ਹਾਂ ਹੀ ਉਸਨੂੰ ਵਰਦੀ ਸਿਲਾਈ ਕਰਕੇ ਵੇਚਦੇ ਹਨ, ਇਸ ਲਈ ਕੋਈ ਗੈਰ ਸਮਾਜਿਕ ਜਾਂ ਸ਼ਰਾਰਤੀ ਅਨਸਰ ਵਰਦੀ ਦੀ ਦੂਰ-ਵਰਤੋ ਕਰਦੇ ਹੋਏ ਕੋਈ ਅਣ-ਸੁਖਾਵੀ ਘਟਨਾ ਨੂੰ ਅੰਜਾਮ ਦੇ ਸਕਦੇ ਹਨ, ਜਿਸ ਨਾਲ ਅਮਨ ਕਾਨੂੰਨ ਦੀ ਸਥਿਤੀ ਨੂੰ ਖਤਰਾ ਹੋ ਸਕਦਾ ਹੈ।
ਭਾਰਤੀ ਨਾਗਰਿਕ ਸੁਰੱਖਤਾ ਸਹਿੰਤਾ 2023 ਦੀ ਧਾਰਾ 163 ਬੀ.ਐਨ.ਐਸ.ਐਸ ਅਧੀਨ ਪ੍ਰਾਪਤ ਅਧਿਕਾਰਾ ਦੀ ਵਰਤੋ ਕਰਦਿਆਂ ਹੋਏ, ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਕੋਈ ਵੀ ਦੁਕਾਨਦਾਰ/ਦਰਜੀ, ਸੈਨਿਕ/ਅਰਧ ਸੈਨਿਕ ਬੱਲ/ ਪੁਲਿਸ ਦੀ ਬਣੀ ਬਣਾਈ ਵਰਦੀ ਜਾਂ ਕੱਪੜਾ ਲੈ ਕੇ ਸੀਤੀ ਸਲਾਈ ਵਰਦੀ ਬਿਨ੍ਹਾਂ ਖਰੀਦਦਾਰ ਦੀ ਦਰੁਸ਼ਤ ਸ਼ਨਾਖਤ ਕੀਤੇ ਬਿਨ੍ਹਾਂ ਨਹੀ ਵੇਚੇਗਾ। ਵਰਦੀ ਖ੍ਰੀਦਣ ਵਾਲੇ ਵਿਅਕਤੀ ਦੀ ਫੋਟੋ ਸ਼ਨਾਖਤੀ ਕਾਰਡ ਜੋ ਸਮਰਥ ਅਧਿਕਾਰੀ ਵੱਲੋ ਉਸ ਨੂੰ ਜਾਰੀ ਕੀਤਾ ਗਿਆ ਹੋਵੇ ਦੀ ਸਵੈ-ਤਸਦੀਕ ਸੁਦਾ ਫੋਟੋ ਕਾਪੀ ਰੱਖੇਗਾ ਅਤੇ ਖਰੀਦਣ ਵਾਲੇ ਦਾ ਰੈਂਕ, ਨਾਮ, ਪਤਾ, ਫੋਨ ਨੰਬਰ ਅਤੇ ਤਾਇਨਾਤੀ ਦੇ ਸਥਾਨ ਸਬੰਧੀ ਰਿਕਾਰਡ ਰਜਿਸਟਰ ਪਰ ਮੇਨਟੇਨ ਕਰੇਗਾਂ। ਜੋ ਉਕਤ ਰਜਿਸਟਰ ਨੂੰ ਦੋ ਮਹੀਨਿਆ ਵਿੱਚ ਇੱਕ ਵਾਰ ਸਬੰਧਤ ਮੁੱਖ ਅਫਸਰ ਥਾਣਾ ਪਾਸੋ ਤਸਦੀਕ ਕਰਵਾਏਗਾ ਅਤੇ ਲੋੜ ਪੈਣ ਤੇ ਰਿਕਾਰਡ ਪੁਲਿਸ ਨੂੰ ਮੁੱਹਈਆ ਕਰੇਗਾਂ।
8) *ਪਾਰਕਿੰਗ ਵਾਲੀਆਂ ਥਾਵਾਂ ਬਾਰੇ* :-
ਮਾਨਯੋਗ ਵਧੀਕ ਡਾਇਰੈਕਟਰ ਜਨਰਲ ਪੁਲਿਸ, ਲਾਅ ਐਂਡ ਆਰਡਰ ਪੰਜਾਬ ਚੰਡੀਗੜ੍ਹ ਜੀ ਦੇ ਦਫਤਰ ਦੇ ਪੱਤਰ ਨੰਬਰ 7143-80/ਲਾਅ ਐਂਡ ਆਰਡਰ, ਮਿਤੀ 19.02.2020 ਰਾਂਹੀ ਕ੍ਰਿਮੀਨਲ ਵਿਅਕਤੀ ਵੱਲੋ ਲੁੱਟ-ਖੋਹ, ਡਕੈਤੀ, ਵਾਹਨ ਚੋਰੀ ਅਤੇ ਹੋਰ ਅਪਰਾਧ ਕਰਨ ਲਈ ਸ਼ਹਿਰ ਵਿਚ ਪਾਰਕਿੰਗ ਵਾਲੀਆਂ ਥਾਵਾਂ ਤੋਂ ਲਾਅ ਐਂਡ ਆਰਡਰ ਨੂੰ ਬਹਾਲ ਰੱਖਣ ਲਈ ਸੁਰੱਖਿਆਂ ਪ੍ਰਬੰਧਾਂ ਨੂੰ ਮਜਬੂਤ ਕਰਨ ਦੀ ਹਦਾਇਤ ਹੋਈ ਹੈ। ਕਈ ਵਾਰ ਅਪਰਾਧੀ ਕਿਸੇ ਸੰਗੀਨ ਜੁਰਮ ਨੂੰ ਅੰਜਾਮ ਦੇਣ ਤੋਂ ਬਾਅਦ ਵਾਹਣ ਪਾਰਕਿੰਗ ਵਾਹਨ ਖੜੀਆਂ ਕਰਨ ਵਾਲੀਆ ਥਾਵਾ (ਕੰਲਪੈਕਸ ਦੇ ਅੰਦਰ ਜਾ ਬਾਹਰ) ( Parking Places indoor or Outdoor) ਤੇ ਸੁਰੱਖਿਆ ਪ੍ਰਬੰਧਾਂ ਨੂੰ ਮਜਬੂਤ ਕਰਨ ਲਈ ਸੀ.ਸੀ.ਟੀ.ਵੀ ਕੈਮਰੇ ਲਗਾਉਣੇ ਅਤੇ ਵਾਹਨ ਪਾਰਕ ਕਰਨ ਵਾਲੇ ਵਾਹਨ ਮਾਲਕ ਦਾ ਰਿਕਾਰਡ ਮੇਨਟੇਨ ਕਰਨਾ ਜਰੂਰੀ ਹੈ ਤਾਂ ਜੋ ਵਾਹਨ ਚੋਰੀ ਦੀਆਂ ਘਟਨਾਵਾਂ ਤੇ ਕਾਬੂ ਪਾਇਆ ਜਾ ਸਕੇ।
ਭਾਰਤੀ ਨਾਗਰਿਕ ਸੁਰੱਖਤਾ ਸਹਿੰਤਾ 2023 ਦੀ ਧਾਰਾ 163 ਬੀ.ਐਨ.ਐਸ.ਐਸ ਅਧੀਨ ਪ੍ਰਾਪਤ ਅਧਿਕਾਰਾ ਦੀ ਵਰਤੋਂ ਕਰਦਿਆਂ ਹੋਏ, ਕਮਿਸ਼ਨਰੇਟ ਅੰਮ੍ਰਿਤਸਰ ਦੀ ਹਦੂਦ ਅੰਦਰ ਪੈਂਦੀਆ ਵਾਹਨ ਖੜੀਆਂ ਕਰਨ ਦੀਆਂ ਥਾਵਾਂ ਜਿਵੇ ਕਿ ਰੇਲਵੇ ਸਟੇਸ਼ਨ, ਬੱਸ ਸਟੈਂਡ, ਧਾਰਮਿਕ ਥਾਂਵਾ, ਹਸਪਤਾਲ, ਭੀੜ ਵਾਲੇ ਬਾਜਾਰਾਂ ਅਤੇ ਹੋਰ ਵਾਹਨ ਪਾਰਕ ਕਰਨ ਲਈ ਬਣੀਆਂ ਥਾਵਾਂ ਆਦਿ ਦੇ ਮਾਲਕ/ ਪ੍ਰਬੰਧਕ (ਕੰਪਲੈਕਸ ਦੇ ਅੰਦਰ ਜਾ ਬਾਹਰ) (Parking Places Indoor or Outdoor) ਸੀ.ਸੀ.ਟੀ.ਵੀ ਕੈਮਰੇ ਲਗਾਏ ਬਿਨ੍ਹਾਂ ਵਾਹਨ ਪਾਰਕਿੰਗ ਨਹੀ ਚਲਾਉਣੇ। ਇਸ ਗੱਲ ਨੂੰ ਯਕੀਨੀ ਬਣਾਇਆ ਜਾਵੇ ਕਿ ਸੀ.ਸੀ.ਟੀ.ਵੀ ਕੈਮਰੇ ਇਸ ਤਰੀਕੇ ਨਾਲ ਲਗਾਏ ਜਾਣ ਕਿ ਜੋ ਵਾਹਨ ਪਾਰਕਿੰਗ ਦੇ ਅੰਦਰ/ਬਾਹਰ, ਆਉਂਦਾ/ਜਾਂਦਾ ਹੈ ਉਸ ਵਾਹਨ ਦੀ ਨੰਬਰ ਪਲੇਟ ਅਤੇ ਵਾਹਨ ਚਲਾਉਣ ਵਾਲੇ ਵਿਅਕਤੀ ਦਾ ਚੇਹਰਾ ਸਾਫ ਨਜਰ ਆਵੇ, ਅਤੇ ਇਸ ਸਬੰਧੀ ਲਗਾਏ ਸੀ.ਸੀ.ਟੀ.ਵੀ ਕੈਮਰਿਆ ਦੀ 45 ਦਿਨ ਤੱਕ ਰਿਕਾਡਿੰਗ ਦੀ ਸੀ.ਡੀ. ਤਿਆਰ ਕਰਨ ਉਪਰੰਤ ਹਰ 15 ਦਿਨ ਬਾਅਦ ਸਬੰਧਤ ਥਾਣੇ ਵਿੱਚ ਜਮਾਂ ਕਰਵਾਈ ਜਾਵੇ ਅਤੇ ਵਾਹਨ ਪਾਰਕ ਕਰਨ ਵਾਲੇ ਵਾਹਨ ਮਾਲਕ ਦਾ ਰਿਕਾਰਡ ਜੇਕਰ ਵਾਹਨ ਇੱਕ ਦਿਨ ਲਈ ਖੜਾ ਕਰਨਾ ਹੋਵੇ ਤਾਂ ਰਜਿਸਟਰ ਵਿੱਚ ਉਸਦਾ ਅੰਦਰਾਜ ਹੇਠ ਲਿਖੇ ਪ੍ਰੋਫਾਰਮੇ ਅਨੁਸਾਰ ਕੀਤਾ ਜਾਵੇ:- Sr.No., Name of Person, Mobile Phone Number ID, Detail of Vehicle, Type of Vehicle, Registration No., Chasis No., Engine No., Date of parking of Vehicle & Date when vehicle was taken back
ਇਸਦੇ ਨਾਲ ਹੀ ਵਾਹਨ ਮਾਲਕ ਦੇ ਰਜਿਸਟਰ ਵਿੱਚ ਦਸਤਖਤ ਕਰਵਾਉਣਗੇ। ਅਗਰ ਵਾਹਨ ਇੱਕ ਦਿਨ ਤੋ ਵੱਧ ਸਮੇ ਲਈ ਪਾਰਕ ਕਰਨਾ ਹੋਵੇ ਤਾਂ ਉਸਦਾ ਅੰਦਰਾਜ ਰਜਿਸਟਰ ਵਿੱਚ ਉਕਤ ਅਨੁਸਾਰ ਕਰਕੇ ਉਸ ਵਾਹਨ ਮਾਲਕ ਕੋਲੋ ਵਾਹਨ ਦੇ ਰਜਿਸਟਰੇਸ਼ਨ ਅਤੇ ਡਰਾਇਵਿੰਗ ਲਾਈਸੈਂਸ ਦੀ ਫੋਟੋ ਕਾਪੀ ਲੈ ਕੇ ਬਤੋਰ ਰਿਕਾਰਡ ਰੱਖਣੇ। ਇਸ ਤੋਂ ਇਲਾਵਾ ਪਾਰਕਿੰਗ ਦੀਆ ਥਾਂਵਾ ਪਰ ਕੰਮ ਕਰ ਰਹੇ ਵਿਅਕਤੀਆਂ ਦੀ ਪੁਲਿਸ ਵੈਰੀਫਿਕੇਸ਼ਨ ਸਬੰਧਤ ਥਾਣਾ ਤੋ ਕਾਰਵਾਈ ਜਾਵੇ।
