Total views : 168632
Total views : 168632ਜਲੰਧਰ, 04 ਜਨਵਰੀ — ਪਰਵਾਸੀ ਪੰਜਾਬੀ ਸਾਹਿਤਕਾਰ ਸੁਰਿੰਦਰ ਸਿੰਘ ਸੁੰਨੜ ਦਾ ਲਿਖਿਆ ਸੱਭਿਆਚਾਰਕ ਗੀਤ “ਤੂੰ ਮੇਰਾ ਮੇਰਾ ਕਹੇਂ ਬੰਦਿਆ” ਪੰਜਾਬ ਪ੍ਰੈੱਸ ਕਲੱਬ ਜਲੰਧਰ ਵਿਖੇ ਲੋਕ ਅਰਪਣ ਕੀਤਾ ਗਿਆ।
ਲੋਕ ਮੰਚ ਪੰਜਾਬ ਅਤੇ ਕਾਵਿਲੋਕ ਚੈਨਲ ਵੱਲੋਂ ਕੀਤੇ ਗਏ ਪ੍ਰਭਾਵਸ਼ਾਲੀ ਸਮਾਗਮ ਵਿੱਚ ਇਸ ਗੀਤ ਦੇ ਮਨੋਰਥ ਬਾਰੇ ਦੱਸਦਿਆਂ ਲੇਖਕ ਸੁਰਿੰਦਰ ਸੁੰਨੜ ਨੇ ਕਿਹਾ ਕਿ ਲੋਕ ਪੱਖੀ ਸੰਦੇਸ਼ ਵਾਲਾ ਇਹ ਗੀਤ ਗਾਉਣ ਲਈ ਸਾਫ ਸੁਥਰੀ ਗਾਇਕੀ ਨੂੰ ਪ੍ਰਣਾਏ ਹੋਏ ਸ਼੍ਰੋਮਣੀ ਪੰਜਾਬੀ ਗਾਇਕ ਪਾਲੀ ਦੇਤਵਾਲੀਆਂ ਨੂੰ ਚੁਣਿਆ ਜਾਣਾ,ਪੰਜਾਬੀ ਗਾਇਕੀ ਦਾ ਸੁਭਾਗ ਹੈ, ਇਸ ਗੀਤ ਲਈ ਇਹੋ ਆਵਾਜ਼ ਸਭ ਤੋਂ ਢੁੱਕਵੀਂ ਹੋ ਸਕਦੀ ਸੀ। ਪਾਲੀ ਦੇਤਵਾਲੀਆ ਨੇ ਕਿਹਾ ਕਿ ਉਸਨੇ ਹਮੇਸ਼ਾ ਪਰਿਵਾਰਾਂ ਵਿੱਚ ਬੈਠ ਕੇ ਸਾਂਝੇ ਰੂਪ ਵਿੱਚ ਸੁਣਨ ਵਾਲੇ ਗੀਤ ਹੀ ਗਾਏ ਹਨ, ਇਹ ਗੀਤ ਵੀ ਇਸੇ ਲੜੀ ਦੀ ਅਗਲੀ ਕੜੀ ਹੈ ।
ਸਮਾਗਮ ਦੀ ਪ੍ਰਧਾਨਗੀ ਉਘੇ ਲੇਖਕ ਕੁਲਦੀਪ ਸਿੰਘ ਬੇਦੀ, ਕਾਮਰੇਡ ਗੁਰਮੀਤ ਸਿੰਘ ਦੇਸ਼ ਭਗਤ ਯਾਦਗਾਰ ਹਾਲ, ਡਾਕਟਰ ਲਖਵਿੰਦਰ ਜੌਹਲ, ਸੁਰਿੰਦਰ ਸਿੰਘ ਸੁੰਨੜ, ਰਾਜੇਸ਼ ਥਾਪਾ ਅਤੇ ਪ੍ਰੇਮ ਕਾਕੜੀਆ ਨੇ ਕੀਤੀ ।
ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਡਾ.ਉਮਿੰਦਰ ਜੌਹਲ ਨੇ ਕਿਹਾ ਕਿ ਅਜਿਹੀ ਗਾਇਕੀ ਅਤੇ ਗੀਤਕਾਰੀ ਦੀ ਸਮਾਜ ਨੂੰ ਇਸ ਸਮੇਂ ਬੇਹੱਦ ਜ਼ਰੂਰਤ ਹੈ। ਸਮਾਗਮ ਵਿੱਚ ਜਸਵੀਰ ਸਿੰਘ ਸੋਢੀ, ਚਰਨਜੀਤ ਜੋਗੀ, ਪੁਸ਼ਪਿੰਦਰ ਕੌਰ, ਰਣਜੀਤ ਸਿੰਘ ਸੋਢੀ ਅਤੇ ਜਸਪਾਲ ਜ਼ੀਰਵੀ ਸਮੇਤ ਬਹੁਤ ਸਾਰੇ ਸਾਹਿਤਕਾਰ ਅਤੇ ਪੱਤਰਕਾਰ ਹਾਜ਼ਰ ਸਨ।
