ਹਲਕਾ ਜੰਡਿਆਲਾ ਗੁਰੂ ਨੂੰ ਹਰੇਕ ਤਰ੍ਹਾਂ ਦੇ ਨਸ਼ੇ ਤੋਂ ਮੁਕਤ ਕਰਾਂਗੇ- ਹਰਭਜਨ ਸਿੰਘ ਈ.ਟੀ.ੳ

ਮਹਿਤਾ ਚੌਂਕ, ਚੁੰਗ ਅਤੇ ਸੈਦੋਕੇ ਵਿਖੇ ਈਟੀਓ ਨੇ ਪਿੰਡ ਵਾਸੀਆਂ ਨੂੰ ਨਾਲ ਲੈ ਕੇ ਕੱਢੀ ਨਸ਼ਾ ਮੁਕਤੀ ਯਾਤਰਾ
ਅੰਮ੍ਰਿਤਸਰ , 18 ਮਈ-(ਡਾ. ਮਨਜੀਤ ਸਿੰਘ, ਸਿਕੰਦਰ ਮਾਨ)-
ਕੈਬਨਿਟ ਮੰਤਰੀ ਸ ਹਰਭਜਨ ਸਿੰਘ ਈਟੀਓ ਨੇ ਅੱਜ ਆਪਣੇ ਹਲਕੇ ਦੇ ਇਤਿਹਾਸਿਕ ਪਿੰਡ ਮਹਿਤਾ ਚੌਂਕ, ਚੁੰਗ ਅਤੇ ਸੈਦੋਕੇ ਵਿਖੇ ਨਸ਼ਾ ਮੁਕਤੀ ਯਾਤਰਾ ਵਿੱਚ ਸ਼ਾਮਿਲ ਹੁੰਦਿਆਂ ਹਲਕਾ ਵਾਸੀਆਂ ਕੋਲੋਂ ਸਹਿਯੋਗ ਮੰਗਦੇ ਕਿਹਾ ਕਿ ਜੇਕਰ ਤੁਸੀਂ ਸਾਡਾ ਸਾਥ ਇਸ ਕੋਹੜ ਨੂੰ ਗਲੋਂ ਲਾਉਣ ਵਿੱਚ ਦੇ ਦਿਓ ਤਾਂ ਜੰਡਿਆਲਾ ਗੁਰੂ ਹਲਕਾ ਪੰਜਾਬ ਦਾ ਪਹਿਲਾ ਨਸ਼ਾ ਮੁਕਤ ਹਲਕਾ ਬਣ ਸਕਦਾ ਹੈ‌ । ਉਹਨਾਂ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਸ ਭਗਵੰਤ ਸਿੰਘ ਮਾਨ ਦੀ ਦਿਲੀ ਇੱਛਾ ਪੰਜਾਬ ਨੂੰ ਨਸ਼ਿਆਂ ਦੇ ਕੋਹੜ ਤੋਂ ਬਾਹਰ ਕੱਢਣ ਦੀ ਹੈ ਅਤੇ ਇਸ ਲਈ ਉਹਨਾਂ ਵੱਲੋਂ ਪੁਲਿਸ ਨੂੰ ਸਪਸ਼ਟ ਹਦਾਇਤਾਂ ਹਨ। ਸਾਡੀ ਪਾਰਟੀ ਵੱਲੋਂ ਵੀ ਕੋਈ ਰਾਜਸੀ ਆਗੂ, ਵਿਧਾਇਕ ਜਾਂ ਵਜ਼ੀਰ ਨਸ਼ੇ ਵਾਲੇ ਬੰਦੇ ਦੀ ਸਿਫਾਰਸ਼ ਪੁਲਿਸ ਕੋਲ ਨਹੀਂ ਕਰਦਾ। ਉਹਨਾਂ ਕਿਹਾ ਕਿ ਮੁੱਖ ਮੰਤਰੀ ਦੀ ਰਾਜਸੀ ਇੱਛਾ ਸਪਸ਼ਟ ਹੈ, ਅਸੀਂ ਨਸ਼ੇ ਵੇਚਣ ਵਾਲਿਆਂ ਦੇ ਮਗਰ ਨਹੀਂ ਜਾਂਦੇ ਅਤੇ ਹੁਣ ਲੋੜ ਸਿਰਫ ਤੁਹਾਡੇ ਸਾਥ ਦੀ ਹੈ। ਤੁਸੀਂ ਇੰਨਾ ਕੁ ਪਹਿਰਾ ਦਿਓ ਕਿ ਜਦੋਂ ਵੀ ਤੁਹਾਨੂੰ ਆਪਣੇ ਪਿੰਡ ਜਾਂ ਇਲਾਕੇ ਵਿੱਚ ਨਸ਼ੇ ਵੇਚਣ ਦੀ ਜਾਣਕਾਰੀ ਮਿਲਦੀ ਹੈ ਤਾਂ ਉਹ ਸੂਚਨਾ ਪੁਲਿਸ ਨਾਲ ਸਾਂਝੀ ਕਰੋ, ਤਾਂ ਜੋ ਪੁਲਿਸ ਲੱਗਦੇ ਹੱਥ ਉਸ ਨੂੰ ਦੱਬ ਸਕੇ। ਉਹਨਾਂ ਕਿਹਾ ਕਿ ਅਸੀਂ ਨਸ਼ੇ ਦੇ ਵਪਾਰੀਆਂ ਲਈ ਖੌਫ ਬਣ ਚੁੱਕੇ ਹੋ ਹੁਣ ਲੋੜ ਸਿਰਫ ਇਹ ਹੈ ਕਿ ਉਹ ਵਿਅਕਤੀ ਜਾਂ ਤਾਂ ਨਸ਼ੇ ਵੇਚਣ ਵਰਗਾ ਭੈੜਾ ਕੰਮ ਛੱਡ ਦੇਵੇ ਅਤੇ ਜਾਂ ਪੰਜਾਬ ਛੱਡ ਦੇਵੇ।
ਅੱਜ ਕੈਬਨਿਟ ਮੰਤਰੀ ਦੇ ਨਾਲ ਪਿੰਡਾਂ ਵਿੱਚ ਕੀਤੀ ਗਈ ਨਸ਼ਾ ਮੁਕਤੀ ਯਾਤਰਾ ਵੱਡੀਆਂ ਰੈਲੀਆਂ ਦਾ ਰੂਪ ਬਣਦੀ ਨਜ਼ਰ ਆਈ। ਲੋਕਾਂ ਨੇ ਆਪ ਮੁਹਾਰੇ ਘਰਾਂ ਵਿੱਚੋਂ ਨਿਕਲ ਕੇ ਇਸ ਮੁਹਿੰਮ ਦਾ ਸਾਥ ਦਿੱਤਾ। ਕੀ ਬੱਚੇ, ਬਜ਼ੁਰਗ, ਜਵਾਨ, ਔਰਤਾਂ ਸਾਰੇ ਨਸ਼ਾ ਮੁਕਤੀ ਯਾਤਰਾ ਦਾ ਹਿੱਸਾ ਬਣੇ।

ਕੈਪਸ਼ਨ
ਮਹਿਤਾ ਚੌਂਕ ਵਿਖੇ ਨਸ਼ਾ ਮੁਕਤੀ ਯਾਤਰਾ ਵਿੱਚ ਹਿੱਸਾ ਲੈਂਦੇ ਕੈਬਨਿਟ ਮੰਤਰੀ ਸ ਹਰਭਜਨ ਸਿੰਘ ਈਟੀਓ ਅਤੇ ਵੱਡੀ ਗਿਣਤੀ ਲੋਕ।